Er det høst allerede? Det føles iallfall litt slik. I dag kledde eg på meg jeans for første gang på veldig lenge. Eg er ikkje heilt klar for å gi slepp på sommaren, kjenner eg. Trenge eit par fine sommardagar til før ullgensaren skal på.
Sommarferien har vore så fantastisk fin! Vi starta ferien rolig med ei veke heime. Det var faktisk nesten litt for rolig da alle andre rundt oss var vekkreist, og det var kun meg og Billie. Veldig koselig da, men både Billie og meg likar at ting skjer, så da var det ein fryd å sette seg i bilen og køyre til Sogndal. Der var vi ei veke, først hos mamma og pappa, så noken dagar på hytta. Markus jobba dei to første vekene i juli, men fekk med seg dei siste dagane i Sogndal og bryllup til Ida og Torgeir (som var livets fest).
Så bar turen tilbake til østlandet der vi hadde noken dagar på Gåsøya før vi måtte heim å vaske kle og pakke koffertane klare til USA. Denne ferien gleda alle seg ekstremt til, to veker i Florida! Vi reiste i lag med søster og familien hennar, så vi var ein heil hurv på tur. Vi starta i Orlando og Disney World. HERREGUD for ein opplevelse- for både stort og smått. Nesten litt overveldande for ein 5- åring. Så mange inntrykk, så mykje å ta inn, men SÅ MORRO!! Lite stas å få klem av Mikke og Minnie.
Vi var først i Magic Kingdom som for ei lita Disney-frelst jente var ein drøm! For ein park, for eit opplegg. Vi hadde det fantastisk gøy, sjølv om vi holdt på renne vekk. Det var altså så sjukt varmt, og vi hadde slettes ikkje tilpassa oss klimaet på det tidspunktet. Men vi holdt ut og passa på å få i oss rikelig med lesk.
Vi var så i i Animal Kingdom som var ein litt meir avslappa affære. Ikkje så mykje folk som i den første parken, og i tillegg var det litt overskya, så vi slapp å bråne vekk. Der var vi blant anna på Lion King- show (som var utrulig bra) og Safari som var veldig spennande for kidsa. I tillegg var det masse gøye karusellar og selvfølgelig fugarar som vandra rundt.
Resten av dagane i Orlando brukte vi på hotellet som låg i Disney World. Vi budde på Grand Floridian Resort & Spa, stort og kjempefint! Kunne faktisk sjå på fyrverkeriet i Magic Kingdom fra balkongen vår. Bassengområdet var supergøy for dei minste da Ole Brumm og fleire plutselig dukka opp. Topp stemning!
Etter 5 dagar satte vi oss i bilen og køyrte ned til Miami. Denne delen av turen gleda eg meg veldig til da. Her sjekka vi inn på “The Palms” som ligger på “stripa”. Eg har vore fleire gongen i Miami, og syns det var kjekt å teste eit nytt hotell. Funka som ei kule! Her var vi i tre netter før vi igjen satte oss i bilen og køyrte til Key West.
Key West har eg alltid hatt lyst å reise til, og det skulle vise seg å stå til forventningane. Joda, masse turistar, men eg digga denne plassen. Det var så fint, koselig og “chill”. Ikkje jålete, men likevel ganske stilig. Den koselige havna med flust av fiskebåtar der dei på ettermiddagane sto å sløya dagens fangst. Og selvfølgelig åt vi masse sjømat. Fekk dytta nedpå ein gjeng med Calamaris, for å sei det slik. ELSKA CALAMARI! Og Key Lime Pie, jøsses så godt! Dette er ein klassisk Key West-dessert. Eit must.
I Key West budde vi på eit dødshyggelig, Cuba-inspirert hotell som heiter “Havana Cabana”. Det låg litt utanfor bygryta, men det gjekk shuttle til og fra hotellet titt og ofte, så det var null stress. Ein av dagane var vi på sjøen med katamaran og snorkla. Det var superfint! Billie syns óg at det var kjekt! Heile familien låg å plaska i asurblått vatn og speida etter fisk. Billie lærte seg forresten å svømme i Key West- riktig nok i bassenget da. På snorkleturen var ho kitta opp med både redningsvest og noodle.
Etter to DEILIGE veker bar turen opp igjen til Orlando. Ja, litt klønete å fly heim derfra, men vi bestilte flybillettane før vi hadde bestemt oss for å reise sørover, så da blei det slik. Det gjekk egentlig veldig fint. Alle var innstilt på eit langt reisedøgn, og alle var happy med ferien generelt, så GOD stemning.
Vil faktisk sei at denne ferien har vore eit minne for livet. Vi har fått oppleve så masse, vore i lag med folk vi er glad i og kosa oss glugg. Kunne gjerne vore der lenger, men eg skal surfe på desse ferieminnene lenge! Og heldigvis er fotoalbumet fylt til randen med herlige bilder, så på grå dagar skal eg sole meg glansen av dei.
Det er dog deilig å komme heim. Det er det alltid. Og for meg som elskar kvardag er livet for så vidt ein leik. Eg er i gang med studioarbeid igjen, og det er det er jo noke av det beste eg veit!
Håpar alle har hatt ein fin og minnerik sommar! 🙂
