Uværet er over og det er FREDAG! Eg har hatt ei særdeles rolig veke, og det heilt bevisst da neste veke blir crazy banana med sommarfestar; ELLE, Universal, Holzweiler og avsluttar med bryllup neste lørdag. Litt typisk at alt skal samle seg på ei veke, men skitt så gøy det blir. Barnevakt er i boks, så da er det berre til å finne fram finstasen og glede seg. Juni er ein så gøy månad!
Ikkje berre er det sommarfestar i vente. I helga har min kjære Markus bursdag, og selvfølgelig må eg gjere litt stas på han! Gaver er kjøpt, lunsjplass er booka og så klart må eg bake kake til kjæresten min som er eit lite kakemonster. Noken forslag til ei god kake eg kan bake? Eg er ganske glad i å bake, er berre ikkje så glad i kaker sjølv. Godt eg har noken å bake til da.
Har di forresten høyrt den nye plata til Molly Sandén? Den har gått på repeat hos meg denne veka. Fullstendig oppslukt i den deilige stemma, dei fine tekstane og den kule produksjonen. Berre eit lite musikktips fra meg. Likar du Veronica Maggio (I LOVE), så likar du truleg Molly!
La fredagen starte- og god pinse alle sammen! Digg med enda ei langhelg.
Kjole: Designers Remix/ Boots: Ganni/ Veske: Ganni/ Sunnies: Celiné/ Øyredobbar: Tom Wood/